Yoxlama aktı, əlavə hesablama qərarı, hesablarınıza verilən sərəncam – hər biri öz sayğacı ilə gəlir və bu sayğaclar 30 günlə ölçülür. Vaxtında atılmayan addım sonradan yalnız müddətin bərpası ilə düzəlir, o da həmişə mümkün olmur.
Qısa cavab. Səyyar vergi yoxlamasının aktı ilə razı deyilsinizsə, akt sizə verildiyi gündən 30 gün ərzində vergi orqanına yazılı etiraz verməlisiniz. Kameral yoxlamada akt tərtib olunmur – nəticə birbaşa qərarla rəsmiləşir və etiraz mərhələsi olmur. Qərar çıxarıldıqdan sonra üç yol var: yuxarı vergi orqanına 3 ay, Azərbaycan Respublikasının İqtisadiyyat Nazirliyinə 30 gün, inzibati məhkəməyə 30 gün. Hesabınızdakı vəsaitin büdcəyə silinməsinin qarşısını isə yalnız məhkəməyə və ya İqtisadiyyat Nazirliyinə vaxtında verilən müraciət alır.
Vəziyyətiniz bu siyahıdadırsa, müddət artıq işləyir. İlkin qiymətləndirmə üçün vaxt seçin →
| Hadisə | Müddət | Buraxılsa nə itirilir |
|---|---|---|
| Yoxlama aktı verildi | 30 gün | Etiraz vermək və materiallara baxışda iştirak hüququ |
| Qərar təqdim edildi | 30 gün | Məhkəmədə mübahisələndirmə |
| Hesaba dair bildiriş alındı | 30 təqvim günü | Vəsaitin büdcəyə silinməsinin qarşısını almaq |
| Hüququn pozulduğu bilindi | 3 ay | Yuxarı vergi orqanına inzibati şikayət |
Üç aylıq müddət yalnız yuxarı vergi orqanına verilən şikayətə aiddir – məhkəmə və hesabın qorunması üçün sayğaclar daha qısadır və paralel işləyir. Nə inzibati şikayət, nə də məhkəmə iddiası aktın icrasını avtomatik dayandırır; dayandırma ayrıca vəsatətlə alınır. Şikayətə baxan vergi orqanının özü də icranı tam və ya qismən dayandıra bilər – bu, məhkəmədən daha sürətli və ucuz yoldur. Müddətlərin hüquqi əsasları və istisnalar bloq məqaləsində ətraflı izah olunub. Hesabınıza sərəncam verilibsə, nə etməli olduğunuzu ayrıca yazmışam.
Sənədlərə görüşdən əvvəl baxıram. Görüşdə hüquqi qiymətləndirmə, risklər və qalan müddətlər müzakirə olunur. 60 dəqiqə.
Aktın, qərarın və bildirişin təqdim tarixləri sənədlərlə müəyyən edilir, qalan və itirilmiş müddətlər hesablanır. Müddət buraxılıbsa, bərpa imkanı yoxlanılır. Aktda şikayət qaydası və müddəti göstərilməyibsə, daha uzun – 6 aylıq – müddət tətbiq oluna bilər; bu, ümidsiz görünən işlərdə real qapı açır.
Akta yazılı etiraz təsdiqedici sənədlərin surətləri ilə hazırlanır və materiallara baxışda iştirak təmin edilir. Qərar çıxarılıbsa, hansı inzibati yolun seçiləcəyi ikinci addımın nəticəsinə görə müəyyən olunur – bu seçim həm müddətə, həm hesabınızın taleyinə təsir edir.
İnzibati məhkəməyə aktın ləğvi və ya dəyişdirilməsi tələbi ilə iddia qaldırılır və icranın dayandırılması barədə vəsatət verilir. Vəsatət rədd edilərsə, ayrıca şikayət verilir.
Qərar qüvvəyə mindikdən sonra sərəncamların geri qaytarılması və artıq alınmış vəsaitin qaytarılması təmin edilir. Zərurət olduqda apellyasiya mərhələsi aparılır.
Vergi mübahisələrində ilkin qiymətləndirmə 300–500 AZN-dir və 60 dəqiqə çəkir: sənədlərinizə görüşdən əvvəl baxıram, görüşdə hüquqi qiymətləndirmə, risklər və qalan müddətlər müzakirə olunur, sonra rəy və təklif verilir. İşin qiyməti mübahisənin məbləğindən asılı olaraq fərdi müəyyən edilir.
Bu sahədə real nəticələrimiz
Məhkəmə qərarları və müştəri keis nümunələri
Səyyar vergi yoxlamasının aktı sizə verildiyi gündən 30 gün ərzində vergi orqanına yazılı etiraz verə bilərsiniz. Etiraza onu təsdiq edən sənədlərin surətlərini əlavə etmək hüququnuz var. Etiraz verildikdə yoxlama materiallarına sizin iştirakınızla baxılır. Kameral yoxlamada isə akt tərtib olunmur – nəticə birbaşa vergi orqanının qərarı ilə rəsmiləşir və 30 günlük etiraz mərhələsi ona şamil edilmir.
Üç yol var. Yuxarı vergi orqanına – hüququnuzun pozulduğunu bildiyiniz və ya bilməli olduğunuz gündən 3 ay. Azərbaycan Respublikasının İqtisadiyyat Nazirliyinə – inzibati aktın qüvvəyə mindiyi gündən 30 gün. İnzibati məhkəməyə – aktın təqdim olunduğu vaxtdan 30 gün. İqtisadiyyat Nazirliyinə müraciət etsəniz, 30 günlük məhkəmə müddətinin axımı Nazirliyin qərarı sizə təqdim olunanadək dayandırılır. Yuxarı vergi orqanına verilən şikayət isə məhkəmə müddətini dayandırmır.
Bəli. Yuxarı vergi orqanına şikayət məcburi ilkin mərhələ deyil – məhkəməyə eyni zamanda və ya sonradan müraciət etmək mümkündür. Seçim praktik nəticəyə görə edilir: hesabınızdakı vəsaitin büdcəyə silinməsinin qarşısını yalnız məhkəməyə və ya Azərbaycan Respublikasının İqtisadiyyat Nazirliyinə verilən müraciət alır. Yuxarı vergi orqanına verilən şikayət bu nəticəni vermir.
Vergi orqanı borc məbləğinin 105 faizi həcmində vəsaitin dondurulması barədə banka sərəncam verir. Bildirişin alındığı tarixdən 30 təqvim günü ərzində məhkəməyə və ya Azərbaycan Respublikasının İqtisadiyyat Nazirliyinə müraciət edilmədikdə, vəsait büdcəyə alınır. Vaxtında müraciət edilibsə, sərəncam yalnız məhkəmənin qanuni qüvvəyə minmiş qərarına uyğun icra edilir – yəni vəsait dondurulur, silinmir. Bir neçə hesaba sərəncam verilib və məbləğ artıq bir hesabda dondurulubsa, digər sərəncamlar müraciət əsasında geri qaytarılır.
Aktın və ya bildirişin tarixini bilirsinizsə, ilk görüşdə hansı müddətlərin qaldığını dəqiq deyə bilərəm. Sənədləri əvvəlcədən göndərin.
Qısa sualınız varsa WhatsApp-a yazın. Akt, qərar və ya bildiriş əlinizdədirsə, ödənişli ilkin qiymətləndirmədə sənədləri təhlil edir, qalan müddətləri və mümkün nəticələri təqdim edirəm.